21آذر 61 ينجي ايل دؤنومو موناسيبتينه
آذربايجانين قئيرتلي ميللتي:
61 ايل بوندان اول آتا بابالاريميز شهيد پيشه ورينين رهبرليي له فارس شؤونيسميني يئنيلديب و آذربايجان ميللي حكومتيني قوردولار.
آذربايجان دولتي قيسسا زامان ايچينده بويوك نايلييه تلر الده ائله دي. تورك ديلي رسمي دولت ديلي اولدو.آنا ديليميزده مكتبلر آچيلدي. آنا ديليميزده و ايلك دفعه راديو تاسيس ائديلدي، فالارمونيا و اوونيوئرسيته( بيلي يوردي) آچيلدي. اوشاقلار اوچون پرورشگاه لارآچيلدي. جوزاميلر اوچون خصوصي موداوا يئرلري آچيلدي. مؤعتادلار خياوانلاردان ييغيشديريلدي. نئچه لر خسته خانا( بيمارستان) تيكيلدي. دولانيجي خسته خانالار( بيمارستان سيار) كندلري دولانيب و خسته لري موعاليجه ائديرديلر. ات ، چؤرك، قند و ساير ارزاق اوجوزلاندي. قادينلار راي حاققينا ماليك اولدولار و سياسي موباريزه يه گيريب آذربايجان ميللي مجليسينده و باشقا سياسي مركزلرده فعالييته باشلاديلار. اوشاق ائولري تيكيلدي. يئتيم ائولري تيكيلدي. ساوادسيزلارا يازيب اوخوماق اؤيره تمك اوچون هر گون ايش جاماعاتيندان بير ساعات حوقوقلاري اؤده نه رك تحصيله آييرماقلا ساوادسيزليقلا آمانسيز موباريزه آپارايلدي. يوللار چكيلدي. ايلك دفعه ايران آدلانان اؤلكه ده آسفالت تبريزده ميللي حكومتيميزين اليله اولدو. شهرلرده جيددي امنييت ياراتماقلا وطنداشين آسايشي تامين ائديلدي. ايقتيصاديميز يوكسك حيزلا اينكيشاف ائديلدي. مملكتيميز گونو گوندن آباد اولوردو. آجليق آرادان قالديريلميشدي. و آذربايجان خوشبخت گونلرين ياشاييردي.
آمريكان عالي قضايي شوراسينين عوضوو « ويليام داگلاس » اؤز كيتابيندا يازير كي" آذربايجان بير ايل ميللي حكومت دؤورونده بوتون آتا بالا پهلوي دؤوروندن چوخ اينكيشاف ائله دي." او 1949 جي ايلده آذربايجانا گلميشدي و علاوه ائدير كي " اييه ر بوگون آذربايجاندا آزاد سئچگيلر كئچيريلسه آذربايجانليلار پيشه وريني اؤز رهبري كيمي سئچرلر."
يوخاريدا قئيد ائتدييميز آذربايجان ميللي حكومتينين مينلر ناييلييه تيندن نمونه لرديرلر كي دوست و دوشمن اونلارا ائتيراف ائدير. 61 ايل بوندان اوول آذربايجاندا ايش قانوني يازيليب، ايشسيزليه قارشي موباريزه گئديب، ايشسيزليك زاماني ايشسيزليك حوقوقو تايين اولوب، يوخسول لوقا قارشي موباريزه آپاراليب ياشاييش شرطلري يارانيردي، موفته درمان و موفته تحصيل تامين اولدو، ديل قانوني و آذربايجاندا ياشايان اقلييتلري ديل، كوولتور( فرهنگ) و اينانج حاقلاريني تامين ائدن قانونلاري يازيلدي. عقيده آزادليغي تامين ائديلدي. بيرسوزده دئسك او گونلر آذربايجانين بوگونه قدر ان خوشبخت گونلريدي و سورعتله پارلاييردي.
تاسفلر اولسون كي فارس شؤونيسمي ينيده زوراكيليق و نامردچيليك له آذربايجانين ايستك لريني اووزده ايمضا لييب قبول ائتسه ده آمما آرخادان خنجرله دي. فارس دولتي آذربايجان دولتيني رسمييته تانييب اونونلا سازيش باغلاسادا آمما توپ، تانك، طيياره مينلر موسلسل و يئني سيلاح لارلا ائله جه ده روس، اينگيليس و آمريكانين حيمايتيله آذربايجانا اووزده سئچگي آديلا آمما نييت ده ايشقالچيليق نييتيله هوجوم ائديب و 30 ميندن آرتيق آتا بابالارميزي قتلي عام ائديب ان صاديق و اينسان سئوه ر و حاق سئوه ر اينسانلاريميزي دوغرام دوغرام ائتديلر. اوشاقلارين باشين كسديلر، قادينلارين قارنين سؤكدولر، اوقدر قتل ائله ديلر كي تبريزين خياوانلاريندا شهيدلريميزين جنازه سيندن كئچمك مومكون يئيل دي. محمد ريضا شاهين ان ياخين دوستو كي شاهينان تبريزه گلميشدي اؤز گؤردوكلرين بئله قئيد ائدير كي " تبريزده جينازه اليندن خياواندان كئچمك اولموردو."
فارس شؤونيستلري بئله قددارجاسينا آذربايجان رسمي دولتيني يخيب و آذربايجانيميزي ايشقال ائتديلر. هله ده ايشقالا دوام ائديرلر. هله ده بيز شهيدلريميزين قانين آلماماميشيق. آمما آند اولسون او شهيدلرين قيزيل قانلارينا فارس شؤونيسميندن اونلارين اينتيقامين بيز ائله بو نسيل آلاجاق و اونلاري رزيل ائديب تورپاقيميزدان قوواجاييق. آند اولسون او باشي كسيلميش معصوم اوشاقلارا كي فارس شؤونيسميندن اينتيقاميزي بيز آلاجاييق. آند اولسون او تجاوزه معروض قالميش قادين قيزلاريميزين موقدس روحونا كي فارس شؤونيستلريندن اينتيقاملارين آلاجاييق. آند اولسون ناحق يئره توكولن قانلاريميزا كي او قانلارين اينتيقاميني فارس شؤونيسميندن آلاجاييق. آند اولسون ناموسوموزا كي سرييه خانيملارين اينتيقاميني موتجاويز فارس شؤونيسميندن آلاجاييق.
60 ايلدير كي فارس شؤونيسمي توپراقلاريميزي ايشقال ائديب حقوقوموزا تجاوز ائديرلر. 60 ايلديركي ديليميزي كسيبلر. 60 ايلديركي كيمليگيميزي دانيبلار. 60 ايلديركي آديميزي قداغان ائديبلر. 60 ايلديركي چؤرگيميزي يئييب باشيميزدان وروبلار. 60 ايلديركي يئرآلتي سرمايه ميزي چاپيپ آپاريرلار. 60 ايلديركي قيزيليميزي سؤكوب آپاريرلار. 60 ايلديركي گوموشوموزو آپاريبلار. 60 ايلديركي ميسيميزي سؤكوب آپاريرلار. 60 ايلديركي آلومينيوموموزو آپاريبلار. 60 ايلديركي فرشيميزي آپاريب فارس فرشي آدينا دونيادا ساتيبلار. 60 ايلديركي دميريميزي آپاريبلار. 60 ايلديركي مرمريميزي آپاريبلار. 60 ايلديركي قورقوشونوموزو
آپاريبلار. 60 ايلديركي چيني تورپاقيميزي آپاريبلار. 60 ايلديركي ائحئيميزي، گوگوردوموزو، سيميتيميزي، گچيميزي، داش كؤموروموزو، سؤكوب آپاريبلار. 60 ايلديركي قيزيل تورپاغيميزي گونو-گوندن وئرانا قويوبلار. 60 ايلديركي سرمايه ميزي چاپيپ آپاريب ايصفهاني، كيرماني آبادلييب و آذربايجانيميزي داغيديبلار. 60 ايلديركي بيزه زور دئييرلر. 60 ايلديركي بيزي حئيوانا بنزه ديرلر. 60 ايلديركي بيزه جوك دوزه لديرلر.
اي آذربايجانين قئيرتلي ميللتي قالخ آياغا كي قئيرت و اينتقام واختيدير. اي ستارخانين نوه لري قالخين آياغا كي اينتيقام واختيدير. اي خيابانينين ائولادلاري قالخين آياغا كي اينتيقام واختيدير. اي پيشه ورينين عسگرلري قالخين آياغا كي انيتيقام واختيدير. اي بابكين ائولادي قالخ آياغا كي ايستيقلال واختيدير. اي آذربايجانين اينقيلابچيلاري قالخين آياغا كي اينقيلاب واختيدير.
بيز گونئي آذربايجان ايستيقلال پارتيسي آند ايچيريك :
آند اولسون شهيدلريميزين اولو روحونا، آند اولسون اولو بابكه ، آند اولسون ستارخانين شوجاعتينه ، آند اولسون ثقته الاسلام لارا، آند اولسون خيابانيه، آند اولسون پيشه وريه، آند اولسون آيت الله شريعتمدارييه، آند اولسون خورداد آييندا آخان قيزيل قانلارا، آند اولسون ايشكنجه اولموش زيندانيلريميزين يئنيلمز ايراده سينه، آند اولسون اولو ميللتميزه ، آند اولسون آذربايجانا، آند اولسون ويجدانيميزا، آند اولسون قورآنيميزا، آند اولسون ايمانيميزا، اند اولسون تورك قئيرتينه ، فارس شؤونيسميندن آذربايجانين اينتيقاميني آليب موستقيل آذربايجان قوراجاييق. بو موقدس يولدا نه زيندان ، نه ايشكنجه، نه اؤلوم ، هئچ نه بيزي قورخوتمور و آذربايجانين ايستيقلالي اوچون سون داملا قانيميزا قدر دويوشوب جانيميزي قوربان وئرمه يه حاضيريق.
ياشاسين شانلي 21 آذر خاطيره سي
ياشاسين موستقيل آذربايجان
رد اولسون فارس شؤونيسمي
رد اولسون ايشقالچي
گونئي آذربايجان ايستيقلال پارتيسي
2006-11-20
Kayıtlar
